有一天的夏天的清晨,氣溫三十度,在失戀CAFE中,有人(在旅行異鄉邂逅認識的)問我這個香港亞熱帶少年,點解咁鍾意劉美君?我笑說"劉美君份人唔假裝,直腸直肚,有話直說.同時,每次佢做演出事前事後,都抱著"每次我都很認真"的態度,很專業.台上唱慢歌,如"愛是無涯","為你而生","你說是甜我說苦",仲有我最愛的"請求"感情豐富,風情萬種.唱快歌,如"GIVE ME ALL YOUR LOVE BOY", "這雙眼只望你","MIND MADE UP"跳舞型到爆,往往有我估不到的意外效果,精采的演出請你不要小驚大怪.每次令我大開眼界的演出,都令我在極討厭的忙碌生活中,泛起了不一樣的漣漪,釋放左心魔,感覺舒暢. Wooh!
1987年,劉美君的出現,絕對係廣播道神話,一曲"午夜情"令大碟大賣40萬張,碟內出現多首冠軍歌,當時YOUR HOUSE OR MY HOUSE 都一定會擁有呢張唱片.
1988年"點解"大碟同樣延續第一隻唱片神話,同樣熱賣.
1988年同年推出第3隻"公子多情"大碟,看到"一見鍾情"MTV,我就更欣賞佢,更鍾意佢,當佢夢中情人咁滯.初中時代,家境不太好,因為我沒有太多零用錢,每次佢出碟,只有死慳死抵,死心塌地,放學後都穿著一對舊皮鞋,趕去CD舖去買CD.
1990年,大碟"赤裸感覺"推出後,迴響很大,歌曲"玩玩",題材敏感,超越黃線,令到電台出現禁播小風波,市民都這麼那麼怎麼談論這大碟.
1991-1993,劉美君的形象繼續我行我素.
1994年推出夜有所思,日有所夢大碟後,驟然搭左嬉戲號客機到美國,退居美國大約3650夜.
2008年以大開色界回歸樂壇,10幾年冇見,樣貌依然年青,真係好了不起.
2008年4月19-20日舉行大開色界演唱會係一個大型街邊派對,大家可以好似不著地的飛鳥般,來吧忘情玩玩吧.
在現今好似霓虹鳥的幻變世界裡,事物隨著時間不斷變更,好似浮花般一瞬即逝,沒有天長地久.但係劉美君的歌曲在我男人心的地位一直沒變.佢嘅歌曲一直陪我成長,走過我的娃娃歲月,渡過好多浪漫時光.有佢的歌曲存在,我們就算One MAN IN THE MOON,都不愁寂寞,不會像糊塗族人般盲目消耗生命,自甘墮落.聽著她的歌曲,就算生活一小時都不後悔.鍾意佢一首勵志歌"燃點真愛",內容也許是愛,但絕對唔係消極的愛,係要人係任何時候都要積極面對人生,這是美君在歌中的寄語,也是每個人每一年的新年願望.
演唱會後,美君會返回美國告別我們一段時間,希望呢段時間不會太長吧.雖然心有依依,真想再讓我望你多一回,但明白這并不是最後一夜(The Last Night).我們FANS們雖然隔著海,距離十萬百千里遠,但是我們的生活仍然可以各自各精采....大家繼續珍惜這份緣吧
I SWEAR
沒有留言:
張貼留言