2013年9月6日 星期五

行山萬"李"(184)-烏蛟騰,上苗田,梅子林,荔枝窩,鎖羅盆,榕樹凹,谷埔到鹿頸

路線 : 烏蛟騰,九担租,上苗田,分水凹,珠門田,梅子林,荔枝窩,山塢,鎖羅盆,榕樹凹,亞公坳,谷埔,大環,鳳坑,雞谷樹下到鹿頸
需時 : 5小時30分
里數 : 17.5公里
難度 : ***
天氣 : 溫度27-27.8C,濕度87-97%,多雲有大雨 (27/06/09)
主要交通 : MTR到大埔 去:乘小巴20C 回:56K到粉嶺
特點 : 鎖羅盤終極之旅
"李"想點睇 :
1.原本打完風後,一定有大雨,我亦唔會選擇咁長的路線,但係因為鎖羅盤7月1日要封村的關係,我不得不去一次,昨天一天船灣郊野公園共錄得接近150毫米雨量,開始了今次驚險旅程.
2.我們遲了幾分鐘趕唔切搭9:40 20C小巴到烏蚊騰,便改搭了小巴到大尾督,再轉搭40幾元的士到烏蛟騰,多謝靚仔司機蘇生接載.
3.到達烏蛟騰後,錯誤選擇左九担租去鎖羅盤的路,見到上苗田時先知行錯,折返回鳥蛟騰郊遊徑已浪費左1小時.提一提田心村進入郊遊徑路重修過,正.
4.一路上冇遇到一個行山人,趕路時,又驚滑,牛屎踏左4次,全身由頭濕到脚在所難免.
5.大約1時,天色好黑,傾盤大雨來臨,這時我們正從正路往荔枝窩,低窪地方變成了小湖,且流水湍急,嘗試踏水管過都失敗,便行返回頭路改由梅子林到荔枝窩.
6.途中遇到隻靈牛,佢真係識行埋一邊,比條路比我行.
7.途上有2段比較辛苦的上山石級路,經過幾個舊村同廢村:
梅子林,荔枝窩,鎖羅盆,榕樹凹,亞公坳,鳳坑,雞谷樹下.
8.荔枝窩除左通心樹之外,重有協天宮,鶴山寺,慶春約同2枝古炮.
9.鎖羅盤感覺特別陰森,如告示所說有野豬,毒蛇都唔出奇,呢條村面積都幾大.廢村外圍已有工程在進行中.
10.阿公灣對面就係深圳,好近呀.
11.谷埔有間松記士多可以補給,同吓吹水大叔打個招呼先.
12.谷埔,鳳坑一帶會見到好多蟹仔,紅樹林,白鷺.