2013年9月11日 星期三

專題篇- 10年人事幾番新. 哥哥, 我對你的敬愛今生今世不會變(2013)




























以下呢篇文章係我在2009年特意寫給張國榮先生.
TO U,哥哥.
係1986年,係緣份之下,就買左人生中第一盒盒帶.呢餅盒帶就係"STAND UP".這是我第一次在你的歌聲中,從由零開始去認識你.之後經歷過貼身追族時期,每一次你出碟時,我都會第一時間去唱片店左右手都買了你的大碟同海報回家.當年常常哼著呢句歌詞"打開信箱,內裡得一片迷惘".之後共同渡過了你的最大熱時候.你是我最愛的男歌手, 你的歌曲陪我經歷過人生中大與小的片段.
先回顧吓你的演藝歷程:
1977年,參加左亞洲歌唱大賽憑"AMERICAN PIE"奪得亞軍,之後在麗的拍過多套劇集如"浣花洗劍錄","沈勝衣","變色龍".
1983年,以"風繼續吹"開始被人熟識.
1984年,憑"MONICA"一曲大熱,唱至街知巷聞.
1986年,"有誰共鳴"一曲奪無線電視金曲金獎
1988-1989年,2奪無線電視最受歡迎男歌手.
同年1989年,舉行33場FINAL ENCOUNTER告別演唱會,演唱會中以"風再起時"一曲暫別樂壇.
引退樂壇後,哥哥你拍過多齣電影,我最鍾意的就是"倩女幽魂"同"胭脂扣".係1991年,仲以"阿飛正傳"奪得最佳男主角.
1995年,復出樂壇.在97年舉辦了跨年演唱會.
2000-2001年,"熱情演唱會"係一個經典演唱會,氣氛爆燈.你開的演唱會次數不多,但無需要太多,精采已夠了.事實,你真係做得到精采同專業.
你唱的勁舞快歌,"少女心事',"拒絕再玩",'H20","戀愛交叉"時,台上不覊的風,都會令到每個歌迷熱辣辣,處處流露出明星的風采,更給我一種藍色憂鬱的感覺.你的側面已經殺死人,深深迷惑我.聽你的快歌,興奮心情令我無心睡眠.
你唱濃情歌時,無論是談情說愛或者係講分手的歌,"我願意","為妳鍾情","儂本多情","愛火","柔情蜜意","一片痴",合唱歌如"誰令妳心痴","只怕不再遇上",用心去唱出了果種親切溫暖的情懷.呢種情係好似兩個人係枕頭床上深情相擁好自然的感覺.
在我迷路時,過著黑色午夜的日子,寂寞夜晚的時候,係你的歌充當著人生的鼓手,拿著一盞小明燈,陪我倒數,令我不怕寂寞,同時教我我要逆風去,默默向上游,所有挫折失敗,我都要同自己講我未驚過,帶我闖進新領域,和我同步過冬,共創真善美.
2003年4月1日,相信是全香港人最冷一天,我們一輩子失去了你,當年情景,簡直情難自控,完全接受不到呢個現實.在夜半歌聲時,都會流下眼淚.6年過去了,心情似是平靜下來,但只是表面上沉默是金罷了.
2009年4月1日,今日我先後到過文化中心同文華酒店,我見到好多感動的場面,見到歌迷們送給你的花海同人潮,就知道香港人仍然好想你,無論你在何地,心中只有你.這種愛慕情誼,相信會延續到今生今世.
浮生若夢的世界,人與人相處好似路過蜻蜓般,見到面只係點吓頭問候一下,然後就唔知有咩嘢講啦,人與人之間確實好疏離.這些年來春夏秋冬,全賴有你的出現,令我更珍惜身邊一切,多D關心身邊的人.FROM NOW ON,我會更勇敢奔向未來日子.
哥哥, MISS U MUCH!!
有心人